𝗠𝗚𝗔 𝗥𝗘𝗦𝗣𝗢𝗡𝗗𝗘𝗥𝗦 𝗚𝗜𝗣𝗔𝗦𝗜𝗗𝗨𝗡𝗚𝗚𝗔𝗡 𝗔𝗧𝗢𝗟 𝗦𝗔 𝗣𝗔𝗚𝗧𝗔𝗣𝗢𝗦 𝗦𝗔 𝗡𝗔𝗧𝗜𝗢𝗡𝗔𝗟 𝗗𝗜𝗦𝗔𝗦𝗧𝗘𝗥 𝗥𝗘𝗦𝗜𝗟𝗜𝗘𝗡𝗖𝗘 𝗠𝗢𝗡𝗧𝗛 𝟮𝟬𝟮𝟯
August 04 2023, Friday 09:01 AM
Gipasidunggan sa City Disaster Risk Reduction and Management Office kun CDRRMO ang mga partisipante sa simulation activity sa ALIMAT Rescue Group Exercise. Kini gihimu atol sa culmination program sa National Disaster Resilience Month 2023, miaging semana.
Sa mensahe nga gipaabot ni Congressman Jose Aquino II pinaagi kang Atty. William Christian Dela Cruz, gidayeg niini ang kaisog sa mga responders pag-abot sa mga emerhensiya. Dili lalim matud pa ang gipakitang dedikasyon sa mga responders aron makaresponde ug makatabang kini sa katawhan.
Gidayeg sab ni CDRRMO OIC Mark July Yap ang mga partisipante sa gipakita nga kakugi aron mahimong magmalampuson sa simulation nga gibuhat.
Kada grupo nakadawat og mga certificate sa ilang gipakita nga dedikasyon, teamwork ug kooperasyon aron mapakita ang ilang kahanas ug ka andam kung dunay emerhensiya.
Hugot nga gisuportahan sa lokal nga panggamhanan sa Butuan sa pagpanguna ni Mayor Ronnie Vicente Lagnada ang mga kalihokan para maandam dili lang ang mga first responder kundi pati na ang mga kagawad sa Barangay, empleyado lakip mga estudyante.
NEWS ARTICLES