𝗠𝗚𝗔 𝗥𝗘𝗦𝗢𝗟𝗨𝗦𝗬𝗢𝗡 𝗡𝗚𝗔 𝗚𝗜𝗗𝗨𝗦𝗢 𝗦𝗔 𝟰𝗧𝗛 𝗤𝗨𝗔𝗥𝗧𝗘𝗥 𝗕𝗖𝗗𝗖 𝗜𝗡𝗙𝗥𝗔𝗦𝗧𝗥𝗨𝗖𝗧𝗨𝗥𝗘 𝗦𝗘𝗖𝗧𝗢𝗥 𝗖𝗢𝗠𝗠𝗜𝗧𝗧𝗘𝗘 𝗠𝗘𝗘𝗧𝗜𝗡𝗚, 𝗚𝗜-𝗔𝗣𝗥𝗢𝗕𝗔𝗛𝗔𝗡 𝗡𝗔
December 15 2023, Friday 03:56 PM
Gi-aprobahan sa mga miyembrong Punong Barangay ug Civil Society Organizations sa Infrastructure Sector Committee ang mga resolusyon nga giduso ni BCDC Infrastructure Chairperson Gemma Tabada atol sa natigayong 4th Quarter Butuan City Development Council Infrastructure Committee Meeting sa pagpanguna sa City Planning Development Office ug BCDC Infrastructure Sector Committee sa VCDU Prince Hotel and Convention miaging semana.
Ang mga resolusyon nga giduso mao ang kalabot sa paghangyo sa DPWH sa pagbutang og pondo sa waterways, flood control, pedestrian ug signages sa national roads aron malikayan na ang aksidente nga kasagaran mahitabo sa national road. Giklaro sab ni PB Tabada nga ang national road jurisdiction pa kini sa national hinungdan tulubagon sa national ang pagbutang og pondo niini.
Atol sab sa aktibidad giaprobahan sa tibook miyembro sa sektor sa infrastructure committee ang gi-indorsong pag-adopt sa Butuan Energy Development Plan BEDP 2023-2050 nga gilangkuban sa Butuan:A City Ascending, Energy Sector Assessment, Butuan Energy Planning, Energy Demand Outlook, Energy Management, Butuan Renewable Energy Resources, Power Supply Plan, Distribution Development Plan ug Sub-Transmission Development Plan.
Nahisgutan sab ang Overview sa Geotagging ug Mapping asa ipailawom ang mga opisyales sa barangay sa pagbansay aron maandam ug mapalambo ang kahanas niini kalabot sa Community-based Monitoring System, Barangay Development Plan, Climate and Disaster Risk Assessment ug Butuan City Data Center.
Samtang malampusong napahigayon na ang BCDC 4th Quarter Environment Sector Meeting, Economic Sector Meeting ug Social Sector Meeting sa susamang venue nga aktibo usab nga gisalmutan sa mga myembrong Punong Barangay ug CSOs.
Importante ang pagpahigayon sa BCDC quarterly meeting sa tanang development sector aron madungog ang mga rekomendasyon sa mga myembrong barangay ug CSOs tungod sila mismo ang nakahibalo sa panginahanglan sa komunidad.
Dinhi usab masayran ang mga accomplishments sa lokal nga panggamhanan sa Butuan ug ang mga umaabot nga plano ug proyekto nga gitutukan ug prayoridad ni Mayor Ronnnie Vicente C. Lagnada alang sa padayong paglambu sa dakbayan.
NEWS ARTICLES