Daghan na sa mga Butuanon ang nakadawat og financial assistance sa Tulong Panghanapbuhay sa Ating Disadvantaged/Displaced Workers o TUPAD program. Kini pinaagi sa pagtinabangay sa Congressmans Office sa pagpanguna ni Congressman Jose Aquino II ug Department of Labor and Employment kun DOLE aron matabangan ang mga Butuanong naglisod ilabina ang mga nawad-an og trabaho. Mukabat sa 5,250 pesos ang nadawat nga pinansyal nga tabang sa mga indibidwal nga nahilakip sa programa. Gawas niini nagtinabangay usab ang Congressman’s Office ug Department of Social Welfare and Development kun DSWD aron matabangan usab nga makabangon ang mga Butuanon nga nakasinati sa tumang kalisod ilabina panahon sa kalamidad pinaagi sa Assistance to Individuals in Crisis Situation kun AICS diin matag pamilya o indibidwal nakadawat og tag 4,000 pesos. Sa gipahigayong pay-out sa nasangpit nga mga programa bulan sa Mayo ning tuig, dunay 2,965 ang mga benepsiyaryo gikan sa nagkadaiyang barangay sa syudad sa Butuan. Gipaningkamutan ni Congressman Aquino nga matabangan ang mga Butuanon pinaagi sa financial assistance kauban ang mga partner agencies aron makasigurong makarecover ang tanan sa nasinating kalisod.