Pormal nga gitunol sa National Grid Corporation of the Philippines kun NGCP ang mga relief goods kaganinang hapon sa warehouse sa lokal nga panggamhanan sa Butuan. Mismong si Assistant City Administrator Roy Serdeña ang midawat sa mga relief goods nga gilangkuban sa assorted canned goods, vitamins ug binhi sa gulay. Sumala ni Kristofer Eric Abellanosa, Corporate Communications and Public Affairs Department napili sa NGCP nga ihatag kini sa Butuan City tungod sentro ang syudad sa Caraga ug anaa dinhi ang dako nga substation sa NGCP. Daku ang pasalamat sa Lokal nga Panggamhanan sa Butuan sa pagpanguna ni Mayor Ronnie Vicente Lagnada tungod daku ng tabang ang mga gihatag nga reliëf goods alang sa mga residente nga maapektuhan sa unsa mang kalamidad. Atol sa turn-over anaa ang presensya nila CDRRMO Head Mark July Yap, CSWD Asst. Division Head Lovelyn Plaza ug staff sa CGSO para mo inspeksyon sa gi turn-over.