Gitimbaya sa mga opisyal sa lokal nga panggamhanan ang mga benepisyaryo sa Sustainable Livelihood Program atol sa natigayong Butuan City Ceremonial Project Turnover kauban ang Department of Social Worker and Development DSWD Caraga miaging semana. Gidasig ni Congressman Jose Aquino ll ug Mayor Ronnie Vicente Lagnada nga amumahon ug dumalahon og maayo sa tanang recipient ang gihatag nga pondo kanila sa gobyerno alang sa sustainable livelihood aron mudako kini sa ingon daghan pang matabangan sa komunidad. Gilangkuban ang mga benepisyaryo sa 17 ka asosasyon sa syudad: Bugsukan Womens Association-Soft Drinks Wholesale De Oro Farmers SLPA- Water Refilling Station De Oro Homeowner SLP Association-Hollowblock and Culvert Making De Oro Workers SLP Association-Establishment of Eatery and Catering Services Farmer Growers SLP Association sa Taligaman- Establishment of Farm Inputs and Agrivet Supply Antongalon Good Seed SLP Association- Rice Trading Baan Tres Gemstone Snack House Kakanin SLP Association- Food Shop Baan Tres Solo Parent SLP Association-Laundry Shop Baan Tres Kabaang SLP Association-Catering Services Baan Tres Talipapa Vendors SLP Association- Consumer Store Baan Tres Grassroots Pantawid Tiendas SLP Association- Consumer Store Uswag Maug SLP Association- Consumer Store Dumalagan Malambuon Multi-Purpose SLP Association- Hardware and Electrical Supplies Bancasi Solo Parent SLP Association- Consumer Store Ambago Lucky MPC SLP Association-Consumer Store ISDAON SLP Association sa Barangay Sumile- Copra buy and sell ug Maibu Farmers SLP Association-Delivery Vehicle in support to copra buy and sell project Subay niini, natahasan ang Department of Social Welfare and Development ug City Social Welfare and Development Department sa LGU Butuan sa aftercare ug istriktong pagmonitor sa dagan ug estado sa mga nasangpit nga asosasyon aron masiguro ang maayong pagdumala sa pondo. Samtang nagpasalamat sab sila Congressional District Head Atty. William Christian Dela Cruz ug City Councilor John Gil Unay sa mga personahe sa DSWD Caraga nga nagtudlo ug naghatag og giya sa mga recipient sa pagdumala sa pondo uban sa panghinaut nga mulambo ang panginabuhian ug kahimtang sa tanan. Nanghinaut sab si Michael Duro Punong Barangay sa Maug nga magpadayon ang kakugi sa tanang benipisyaryo aron magmalambuon ang panginabuhian sa tanan. Mipadayag sab sa dakong pasalamat ang usa ka SLP Association President nga si Salvador Dapada sa gihatag nga responsibilidad kanila pinaagi sa pagsalig ug paghatag og pondo alang sa malungtarong panginabuhian. “Thankful kaayo mi nga dali ra niabot ang pondo ug among paningkamutan sa among association nga mapalambo pa nato dili lang short term kundili long term aron makab-ot nato ang sustainable livelihood dili lang sa atong kaugalingon pati na ang komunidad,” pahayag ni Salvador Dapada, SLP Association President. Gipasalamatan sab ni SLP Association President Dapada ang City Economic and Business Development Department sa LGU Butuan sa pagrekomenda kanila sa buhatan ni Congressman Jose Aquino II aron maoy mapiling mahatagan sa pondo sa SLP.