Gipailawom sa usa ka Computer Eyes Training ang mga Person With Disabilities sa dakbayan sa Butuan sulod sa duha ka semana. Kini sa pagpanguna sa Resource for the Blind kun RBI aron sa pag empower sa mga visually impaired nga individual pinaagi sa teknolohiya. Ang mga partisipante nakabaton sa basic essential computer ug assistive technology skills nga maka tabang kanila sa pag navigate sa digital world. Gikan sa screen readers to keyboard shortcuts, gitudluan sab sila sa RBI sa mga tools para sa education, employment, ug independence. Pinaagi sa regional-wide nga programa sa computer skills training, nakabaton ang mga benepisyaryo og kahibalo sa teknolohiya. Sumala pa sa mga benepisyaryo nga kini dakung hagit kanila apan maghatag kini sa ila og dakung oportunidad ug kahibalo.