Gipakita sa unom ka grupo ang ilang mga proyekto nga nahimo ilawom sa Leadership Community 3 kun LEADCOM 3, sa Cityhall Lobby, Cityhall Bldg., kagahapon. Ang unom ka grupo gilangkuban sa Team Sponti sa Barangay San Mateo, Team Lambo sa Barangay Taligaman, Team Agripreneur Urios gikan sa Barangay Salvacion, Team Taguibo sa Barangay Taguibo, Team GROW sa Barangay Mahay ug Team Cheaper AF sa Caraga State University. Tagsa-tagsa nilang gipakita sa katawhan ang ilang proyekto nga namugna sulod sa napulo ka bulan. Ang mga proyekto nag tutok sa pressing issues sa syudad ug pagtabang sa mga kababaihan ug mga single mothers. Sa gipaabot nga mensahe ni City Mayor Ronnie Vicente Lagnada pinaagi kang Konsehal Joseph Omar Andaya isip Acting City Mayor, malipayon siya nga na sustenar ug na apply sa mga youth leaders lakip na sa mga miyembro sa grupo ang kahibalo ug ang ka kugi sa pag mugna sa ilang proyekto nga dakong tabang sa komunidad ug sa katawhan. Anaa sa aktibidad sila CEDD Acting Department Head Rosalito Libres, Garrett Nolasco, Senior Manager, Mindanao Operation, Youth Leaders ug Members sa LEADCOM 3.