Gibisitahan kagahapon sa mga Validators sa National Literacy Awards ang mga project site sa dakbayan sa Butuan nga gilangkuban sa pito ka programa. Kini ang Project IP Paglaum sa Sitio Mandalayag Barangay Pianing, Project ANAK sa Barangay Antongalon, Project FORGES sa Barangay De Oro, Project Tanom Mo, Suga Mo sa Barangay Tiniwisan, Agriboost Project sa Van Terminal, Balangay Klasrum sa Barangay Lumbocan, ug Project AMAL sa Barangay New Society Village. Gi tan-aw pag ayo sa mga validators ang mga dokumento nga gi-andam sa mga nag partisipar nga mga barangay asa nakalatid didto ang mga accomplishments lakip na ang mga data sa ilang programa. Gi tan-aw sab nila ang mga certificates sa mga benepisyaryo ug gihinabi kini para masayran ang tinoud nga kahimtang sa mga benepisyaryo. Gikalipay sa mga validators ang inisyatibo sa gibuhat sa mga Barangay Officials alang sa ilang mga residente ug naghatag kini og advise para ma sustenar ang mga proyekto nga nasugdan na. Karong adlawa, bisitahon sa mga validators ang Barangay Maguinda, Barangay Tungao, Barangay Manila de Bugabus, Barangay Nong-nong, Barangay Kinamlutan ug Barangay Baan Km 3.