Gipakita sa mga Department Head sa lokal nga panggamhanan sa Butuan ang Annual Investment Program tuig 2025 ilawom sa Social Development Sector ug Infrastructure Development Sector atol sa 2nd Quarter 2024 Butuan City Development Council Sectoral Working Committee Meeting sa VCDU Grand Convention Hall Barangay Villa Kananga ning syudad sa Butuan miaging semana. Dinhi mas gipalig-on ang mga plano ug proyekto alang sa daghang kalambuan sa dakbayan sa Butuan sa umaabot nga tuig. Usa na niini ang pagpadayon sa mga big ticket projects nga gitutukan ni Mayor Ronnie Vicente Lagnada sama sa Butuan City South District Complex asa anaa ang Command Center, Police Station ug Fire Station, Socialized Housing Projects, Butuan Center of Excellence North Campus, Butuan City River Park and Marina Development, Clean Water Facilities, Proposed Logistical Seaport, Pag upgrade sa Butuan Medical Center to Level III Hospital ug uban pa. Ang Social Sector naglangkub sa City Social Welfare and Development Department, City Housing and Homesite Development Department, City Civil Registry Department, City Education Development Department, City Health Department uban sa Commission on Population and Development Caraga nga nagpakita sa Resources for Awareness on Population Impacts on Development. Samtang sa Infrastructure Sector nga gilangkuban sa City Transportation and Traffic Management Department, City Engineering Department, City Information and Communications Technology Department, City Building and Management Department kauban ang National Economic Development Authority NEDA Caraga nagpakita sa importansya sa Caraga Regional Development Council RDC Resolution no. 9-B series of 2024. Subay niini giaprobahan sa mga miyembro sa council nga gikan sa partners barangay ug civil society organizations ang gipresentang AIP 2025 asa andam na usab ipakita sa Full Council Meeting nga pangunahan mismo ni Mayor Lagnada karong umaabot Hunyo 24 sa VCDU Convention Barangay Imadejas. Ang nasangpit nga sectoral meeting gipangunahan ni Liga President Gemma Tabada Chairperson sa Infrastructure Sector ug Golda Pocon sa Social Sector uban sa mga CSO’s ug Punong Barangay ug City Planning Development Department isip secretariat.