Gipailawom sa lima ka adlaw nga User’s Training sa bag-ong Advanced CT-Scan Machine ang lima ka Radiologic Technologist sa Butuan Medical Center kon BMC, miaging semana. Ang User’s Training personal nga gihatag sa Application Specialist ug Clinical CT-Scan Specialist sa Philips nga si Lorelie Alay Rosos sa pagbansay sa mga personahe aron hands-on nila nga ma experience ang nasangpit nga machine. Ang lima ka adlaw nga training nag tumong nga matun-an sa mga personahe ang basic theoretical background ug hands-on experience sa machine. Pinaagi sab niini masiguro nga high level sa interaksyon ang mahitabo tali na sa trainers ug mga Radiologic Technologist aron matun-an nila ug magamit ang machine para sa mga umaabot nga mga pasyente sa ospital. Ang Advanced CT-Scan Machine nag awhag og Basic hangtud sa Most Advanced Study ang kaya niya i-perform. Pinaagi niini mas mapadali ang proseso sa mga pasyente sa ospital. Padayon nga maghatag og progresibong serbisyo ang lokal nga panggamhanan pinaagi sa BMC sa mga pasyente nga midangop sa nasangpit nga ospital. Gisiguro nga mahatag sa mga pasyente ang kalidad ug nag-una nga serbisyo pinaagi sa digitilazation system.