Nagcourtesy visit kang Butuan City Vice Mayor Lawrence Fortun ang mga personahe sa World Food Program kun WFP ug National Resource ug Logistics Management Bureau NRLMB, kagahapon. Kini alang sa paghisgut kalabot sa itukod nga Mindanao Disaster Resource Center MDRC Project sa dakbayan sa Butuan. Ang visiting team gipangunahan nila Engr. Muhamad Fajarin, Engineer sa World Food Program's Rome Italy Headquarters, Noel Santos Supply Chain Officer sa World Food Program-Philippines, Engr. Irish Flor Yaraon, Chief Administrative Officer sa NRLMB ug Architect Ryan Basabe, CO Administrative Service. Nagpasalamat si Vice Mayor Fortun sa team sa pagpili sa dakbayan sa Butuan isip lokasyon sa MDRC Project nga nagtumbok sa pagpalambo sa disaster response system sa Mindanao nga dunay dakung kabahinan sa inisyatibo sa pag-establisar og istratehikong disaster resource centers sa tibuok nasud. Nasayrang nga ang nasangpit nga proyekto dunay pasilidad nga susama sa operational na sa Mandaue City Cebu ug sa National Capital Region.