Gipailawom sa pagbansay ang mga personahe sa City Treasurers Office sa mga paagi sa pagsusi sa Counterfeit Money kagahapon sa Watergate Hotel. Ang City Treasurers Office nagadawat og cash sa mga government transactions sama sa gibayad nga mga buhis, permits, clearances ug uban pa hinungdan nga gihatagan sa giya ang mga personahe sa nasangpit nga buhatan sa pag – ila sa mga pekeng kwarta, pagsabot sa mga balaod ilabina ang kabahin sa Legal Tender Limits of Coins BSP Circular no. 537 series 2006. Anaa lamang ang legal tender limit sa 2000 kung ang denomination tag 10 piso, 5 piso ug 1 piso samtang kung ang denomination anaa sa 25,10,5 ug 1 sentimo kutob lamang sa 200 ang legal tender limit. Gipangunahan ang pagbansay nila Noelle Angela Pamaran ug Lou Bantayan parehong Bank Officer IV sa Bangko Sentral ng Pilipinas. Nasayran sab dinhi nga dili mobalibad ang mga bangko kung ang client magdeposito og coins o magpa exchange sa bisan pila nga kantidad. Gipasabot sab sa mga partisipante ang Circular no.829 series of 2014 chapter 1 section 2 to 3, Presidential Decree no. 247 o Anti Mutilation Law, Security Features sa First Polymer Piso, Windowed Security Thread ug uban pa. Nakitang usa sa dakung hulga ang nagkataas nga kaso sa pagkanat sa mga pekeng banknotes hinungdan mas gipahugtan ang maong pagbansay.