Gipaduol sa City Health Office pinaagi sa Libertad Main Health Center ang usa ka libreng serbisyong medikal ug dental ngadto na sa mga Persons Deprived of Liberty kon PDL sa Butuan City Jail, adlawng Byernes. Dunay libreng medical consultation, libreng ibot sa ngipon ug oral care, lakip usab ang laboratories nga gilangkuban sa Fasting Blood Sugar, Urinalysis, Dengue Test, HIV Testing, Hepa B Testing, Syphilis Test ug Blood Typing. Gihimu kini aron masusi ang kundisyon sa panglawas sa mga PDL ug mahatag ang igong mga serbisyo alang kanila. Mapasalamaton sila tungod bisan pa anaa sila sa sulod sa pasilidad niabot kanila ang mga serbisyong medikal gikan sa lokal nga panggamhanan sa Butuan. Padayon nga ihatag sa LGU-Butuan sa pagpanguna ni Butuan City Mayor Ronnie Vicente Lagnada ang mga serbisyo hilabi na sa mga PDL nga usa sa mga nanginahanglan og kanunay nga serbisyo sulod sa pasilidad.