Gi-apuran sa City Social Welfare and Development Office kun CSWD og mga welfare goods ang mga pamilyang naapektuhan sa sunog kaganinang hapon sa T Calo Extension, Barangay Limaha, ning syudad. Ang mga welfare goods gilangkuban sa bugas, de lata, kape, ug uban pang pagkaon. Pasado alas dos kaganinang hapon, gilamoy sa dakung kalayo ang upat ka balay nga gibana banang muabot sa 500 thousand pesos ang kantidad sa damyos. Sa rekord sa Bureau of Fire Protection, anaa sa upat ka pamilya ang naapektuhan sa sunog. Padayon pa karon ang BFP sa gihimung imbestigasyon aron masuta ang hinungdan sa nahitabong sunog.