𝗠𝗚𝗔 𝗢𝗣𝗜𝗦𝗬𝗔𝗟 𝗦𝗔 𝗞𝗔𝗣𝗨𝗟𝗜𝗦𝗔𝗡, 𝗡𝗔𝗚𝗖𝗢𝗨𝗥𝗧𝗘𝗦𝗬 𝗩𝗜𝗦𝗜𝗧 𝗞𝗔𝗡𝗚 𝗠𝗔𝗬𝗢𝗥 𝗥𝗖𝗟
January 28 2025, Tuesday 08:25 AM
Pagpakusog sa pwersa sa kapulisan ug pagpabilin sa kahapsay sa dakbayan ang nag unang gihisgutan sa natigayong Courtesy Visit o New Years Call nila PNP PRO 13 PBGEN Christopher Abrahano ug Butuan City Police Office Acting City Director PCol Rommel Villamor kang Mayor Ronnie Vicente Lagnada miaging semana.
Sa panagtagbo gihisgutan usab ang mga nag-unang programang gitutukan ug gipatuman sa kapulisan alang sa pagpakunhod sa krimen ug mahatag sa katawhan ang matinud-anon ug epektibo nga serbisyo sa publiko.
Gipaniguro ni PBGen Abrahano ug PCol Villamor nga anaa kanunay ang presensya sa kapulisan ug naka alerto aron magpabilin ang kahapsay sa dakbayan.
Daku ang pagtuo sa mga opisyal nga pinaagi sa panaghiusa ug lig-on nga partnership sa kapulisan, lokal nga panggamhanan sa Butuan ug komunidad mas mokunhod ang kriminalidad ug mabatunan nga magpabilin ang malinawong syudad sa Butuan.
Ang kalihokang new years call usa sa tinuig nga kalihokan sa kapulisan isip pagpakita sa pagtahod sa mga lider sa syudad.
NEWS ARTICLES