Mibisita sa lokal nga panggamhanan sa Butuan ang mga opisyal sa Department of Transportation sa Mayors Office, City Hall Building kaganinang buntag. Gipangunahan nila DOTr Caraga Regional Director Atty. Alim Pangandaman kauban sila Assistant Secretary Atty. Vigor Mendoza II, ug Assistant Regional Director Joel Consulta ang pagbisita kang Mayor Ronnie Vicente Lagnada. Nahisgutan ang LTO-LGU interconnectivity sa LTO systems ug kooperasyon sa road safety programs. Gipaabot sab nila ang ilang kooperasyon sa lokal nga panggamhanan tungod nakita nila ang maayong pagdumala sa syudad inubanan sa mga stratehikong plano aron mapalambo ang syudad sa Butuan. Nahimu sab nga keynote speaker si ASEC Mendoza atol sa Road Safety Month Kick Off Program nga gipangunahan sa City Transportation Traffic and Management Department kun CTTMD sa JC Aquino Multipurpose Building nga gitambungan sa mga transport operators, commuters group, city government, barangay officials ug CGB department heads. Anaa sa meeting sila City Transportation and Traffic Management Department Head Maria Kristina Cassion, ug City Administrator Joseph Ian Sabado ug Engr. Jake Dumpasan sa City Planning and Development Department.