Nagcourtesy visit ang mga opisyales sa Department of Labor and Employment Caraga sa lokal nga panggamhanan sa Butuan, adlawng Martes. Gi-abi abi nila Mayor Ronnie Vicente Lagnada ug Congressman Jose Aquino II ang mga bisita sa pagpanguna nila DOLE Regional Director Atty. Jason Balais uban ni Assistant Regional Director Raymond Fel Sajor ug Agusan del Norte Provincial Director Keith Duran. Tumong sa pagbisita mao ang hugot nga kolaborasyon tali na sa DOLE ug lokal nga panggamhanan sa Butuan pinaagi sa pagtubag ug pagpalapad sa labor ug employment services sa dakbayan. Sa panagtagbo usa-usa nga nahisgutan ang mga ongoing projects, ug development plans sa Butuan asa makapadagsa sa job opportunities ug progresibong ekonomiya sa tibook rehiyon. Nahisgutan sab dinhi ang pagpahugot sa Public-Private Partnership aron padayong makabaton sa malungtarong oportunidad alang sa mga Butuanon. Nagpasalamat si Mayor Lagnada ug Congressman Aquino sa ahensya ug mipasalig nga magtinabangay alang sa katawhang Butuanon ug tibook Caraga.