Nahatagan sa City Social Welfare and Development Office og mga welfare goods ang mga apektadong pamilya sa nahitabong sunog sa Purok 8, Barangay Ong yiu ning syudad kagahapon. Gilangkuban kini sa tubig ilimnon, bugas, canned goods, noodles, kape, ug gatas. Nagpahigayon usab ang buhatan og intake interview sa mga biktima. Sa rekord sa Bureau of Fire Protection kun BFP trese ka panimalay ang naugdaw sa sunog ug deysi sais ka pamilya ang naapektuhan. Base sa imbestigasyon, nabiyaan nga linuto ang hinungdan sa sunog. Paspas nga mikanat ang kalayo labi pa nga kadaghanan sa mga balay sa lugar gama sa light materials. Sa karon, temporaryong nagpasilong ang mga apektadong pamilya sa mga silingan niini.