Nahitala sa Bloomberg Philanthropies Spark ang pagdayeg sa paningkamot sa lokal nga panggamhanan sa Butuan pinaagi ni Mayor Ronnie Vicente Lagnada sa paghimo og mga lain-laing market interventions aron masuportahan ang panginahanglanon sa mga residente sa syudad. Kini nga mga interbensyon nagsugod sa pagpadako sa produksyon sa gulay ug prutas sa syudad pinaagi usab sa paghatag og igong suporta sa mga mag-uuma sama sa technical trainings, ekipo, materyales aron makasigurong makab-ot ang food self-sufficiency. Kini magsugod sa pagproduce og daghang local products sa tinguhang dili na moangkat pa sa laing dapit og lain-laing commodities nga sobra kataas ang presyo asa nahimung tinubdan sa kalisod nga nasinati sa komunidad. Gawas sa mga trainings ug uban pang suporta nga gihatag sa mga mag-uuma gipaningkamutan usab sa lokal nga panggamhanan sa Butuan pinaagi sa City Agriculture Office nga moagi sa mga pagbansay ang mga market vendors sama sa digital ug literacy training, book keeping, pagdumala sa ilang kita ug uban pa. Gimugna usab sa LGU Butuan ang Veggie Fresh nga gidumala sa mga vendor asa dinhi makapalit og barato ug preskong gulay nga gikan sa local farmers. Isip kabahin sa agriboost project gimugna usab sa city government sa Butuan ang Agrihub asa dinhi magdeliver ang mga mag-uuma sa ilang tagsang abot sa uma ug dinhi usab mopalit ang mga vendor nga ibaligya sa ilang tagsang area. Gawas sa pagpadako sa produksyon sa agricultural products ilabina ang high value crops ug mga market intervention gitutukan sab ni Mayor Lagnada ang pagpatuman sa mga subsidiya alang sa mga mag-uuma ug market vendor pinaagi sa tabang sa mga regional line agencies, pagpahigayon og mga programa alang sa pagpanalipod sa kinaiyahan, mga programa sa barato ug disenting pabalay, pagpahigayon og mga job fair program alang sa mga walay trabaho ug uban pang livelihood programs. Sunod-sunod karon ang gipahigayong programa ug proyekto aron matubag ug makuha ang target nga oportunidad alang sa katawhan. Gilantaw sab ni Mayor Lagnada ang pagpalambo sa ekonomiya pinaagi sa gibubo nga mga proyekto isip tubag sa mga hagit ug mulo sa mga residente ug mga magpapatigayon. Gipatuman ni Mayor Lagnada ang mga bag-ong investments pinaagi sa bag-ong infrastructure projects asa nagtutok sa stratehiya ug parehong physical ug digital nga infrastructure aron masulbad ang problema sa komunidad ug dali na sa mga investors ang pagbubo og daghang negosyo nga makahatag og panginabuhian sa katawhan ug labaw sa tanan mas sayun na sa mga -uuma ang pagkanaug sa mga abot sa kaumahan padulong sa merkado. Isa sa gitan-aw ni Mayor Lagnada ang pagamit og data aron padayon ang pakiglambigit sa mga mag-uuma ug market vendors aron mabag-o ang sistima sa mga pamaagi sa presyo sa mga gulay. Dinhi nagsugod ang long-term contract tali na sa mga mag-uuma ug vendors aron dunay dynamic nga presyo ilabina sa limitadong supply sa ubang commodities. Hinugdan importante madungog ang tingog sa mga mag-uuma ug market vendors tungod sa ila magdepende nga molahutay ang proyekto pinaagi sa hugot nga suporta sa lokal nga panggamhanan sa Butuan pinaagi ni Mayor Lagnada. Kini nga mga lakang sa syudad pinaagi sa suporta sa mga lokal leaders rason nga nahimong mananaug ang syudad sa Butuan sa Bloomberg Philanthropies Global Mayors Challenge.