Girampa sa deysi sais ka mga kandidata sa Mutya Hong Butuan 2023 ang mga creations sa Butuanon ug Agusanon nga mga fashion designers pinaagi sa natigayong Rampa Kultura kagahapon sa Robinsons Place Butuan. Sa unang walo ka mga creations gihulagway ang “Reimagining the past”, ang pagsud-ong sa kagahapon nga gingharian nga nagpabuhi sa pagbati sa garbo ug kabilin sa matag Butuanon. Samtang ang ikaduhang walo ka mga creations, gihulagway ang “Creating the Future” ang pag transcend sa mga elemento sa nangagi asa gipailawom sa proseso sa paghulagway sa dili pa mahibaw-an nga kaugmaon. Ang Rampa Kultura usa ka matang sa pagpakita sa kaanyag ug fashion nga nag empower sa mga Butuanon nga mahimung transformational women ug world class designers. Samtang gipabati sab sa mga kandidata ang ilang tagsa tagsa nga mga advocacies subay sa kampanya nga Beauty with a Purpose.