Malampusong napahigayon ang 4th Quarter sa Butuan City Development Council Sector Committee Meeting sa Environment Sector, Economic Sector, ug Social Sector miaging semana sa VCDU Grand Convention ning syudad. Aktibong misalmot ang mga miyembrong Punong Barangay ug Civil Society Organizations sa natigayong 4th Quarter BCDC Sector Working Committee Meeting. Gipresentar sa matag departamento sa lokal nga panggamhanan sa Butuan ang mga accomplishments ug mga gipatumang best practices alang sa paghatag sa epektibo ug epesyenting serbisyo sa katawhang Butuanon. Nahatagan sab sa higayon ang mga miyembrong barangay ug CSOs sa pagpaabot sa suhestyon ug rekomendasyon alang sa kaayuhan sa komunidad. Ang kalihukan gipangunahan sa City Planning and Development Department uban sa mga Chairperson ug Co-Chairperson sa matag sector.