Nakadawat sa cash prizes ang mga cluster barangay nga misalmot sa Tabo Hong Barangay atol na sa pagsaulog sa ika-74th Adlaw Hong Butuan, Biyernes. Daghang mga padula ang gibida sa City Agriculture ang Veterinary Department asa aktibo kining gisalmutan sa mga Clustered Barangay sama sa Pinaka Segment, Value Added Products, ug Festival Dance Challenge. Sa Pinaka Segment gipangita ang Pinaka Dakwa nga Kalabasa, Pinaka taas nga Talong, Pinaka Dakwa nga Bulig sa Saging, ug Pinaka bug-at nga Bangus. Daug sa Pinaka Dakwa nga Kalabasa ang Cluster 3; nakuha sa Cluster 5 ang Pinaka taas nga Talong; Pinaka Dakwa nga Bulig sa Saging ang Cluster 2 ug daug sa Pinaka bug-at nga Bangus ang Cluster 2. Ang tanan nakadaug sa Pinaka Segment naka dawat og tag 1,000 pesos. Mipakita sab og mga makulay nga performances ug istorya pinaagi sa sayaw ug awit ang mga misalmut sa Festival Dance Challenge. 1st Place ang Barangay Mahogany nga nakadawat og 10,000 pesos; 2nd Place ang Barangay Baan Riverside nga nakadawat og 7,000 pesos; ug ang 3rd Place giuli sa Barangay Bobon nga nakadawat og 5,000 pesos. Consolation Prize nga tag 3,000 pesos ang nadawat sa Barangay Ampayon ug Maug. Mibida sab ang matag clustered barangay sa ilang Value Added Products. Nakuha sa Cluster 5 ang 1st Prize ug nakadawat sa 1,500 pesos; ang 2nd Prize nakuha sa Cluster ug miuli sa 1,000 pesos; ug ang 3rd Prize nakuha sa Cluster 3 ug midawat sa 700 pesos. Gikalipay sa matag barangay ang kalihukan ug sumala pa nila nga padayon nilang suportahan ang mga kalihokan ug kalingawan nga dala sa pag selebrar sa Adlaw Hong Butuan.