Kapin lima ka gatos nga Rice Farmers ug Fisherfolks ang midawat og 3000 pesos nga kantidad sa Fuel Subsidy miaging semana nga gipahigayon sa DOP Building o City Agriculture and Veterinary Department Barangay Tiniwisan. Card ang madawat sa mga benepisyaryo ug makuha kini sa piling Gas Station sa syudad. Kini pinaagi sa pagtinabangay sa City Agriculture and Veterinary Department sa lokal nga panggamhanan sa Butuan ug Department of Agriculture Caraga. Sumala sa usa ka Rice Farmer sa Barangay Antongalon nga si Jean Langanlangan daku na kining tabang sa iyang pang gasto sa pag-uma labi na karon nga taas ang presyo sa gas. Dugang pa niini kini ang unang higayon nga nakadawat kini sa maong suporta gikan sa gobyerno. “Salamat ko sa atong gobyerno nga usa ko sa naka avail sa programa tungod kay ani nga figure pila na ka liters ang mapalit niini. Dako na kining tabang alang namo nga mga mag-uuma.” pahayag ni Jean Estores Langanlangan, usa ka Rice farmer. Ang paghatag sa Fuel Subsidy base sa rehistradong farmers ug fisherfolks sa Registry System for the Basic Sectors in Agriculture kun RSBSA ug naka schedule ang distribusyon.