Gibisita sa City Agriculture and Veterinary Department kun CAVD sa lokal nga panggamhanan sa Butuan ang Barangay Pianing aron mahatod ang nagkadaiyang serbisyong dala sa Agriculture and Veterinary Mobile Services. Gilangkuban kini sa pagpanghatag og vegetable seeds, bitamina sa mga hayup, artificial insemination ug deworming sa kabaw, baka ug kabayo. Anaa sab ang presensya sa mga personahe sa City Treasury Department CTD alang sa issuance sa livestock credentials. Importanteng dunay credential o rehistrado ang mga binuhing hayop aron makakuha og financial support gikan sa Philippine Crop Insurance Corporation kun PCIC ang mga tag-iya niini kong masakit kini. Si Marcelino Sagay usa ka mag-uuma sa saging ug lubi ug nanag-iya sa upat ka kabaw nagpasalamat sa pagkanaug sa CAVD ug CTD sa ilang barangay aron ihatag ang libreng serbisyo sa ingon makasigurong luwas ang binuhing hayop sa mga sakit ug makabaton sa insurance. Ang kalihokan alayon sa selebrasyon sa Araw ng Pianing karong adlawa nga natigayon sa Purok 5 Mandalayag Barangay Pianing ning syudad sa Butuan.