Gipasidunggan sa Department of Health Caraga ang mga last mile school sa syudad nga napili sa Universal Health Care - Healthy Learning Institution. Pinaagi sa Awarding ug Recognition ma acknowledge ang gibuhat sa mga eskwelahan hilabi na sa pagpatuman sa healthy settings ug sa paghatag sa mga estudyante sa insaktong health education. Ang mga Treatment A ug B Last Mile Schools nakadawat og Plaque of Appreciation ug 5,000 pesos worth of Air Cooler. Ang mga eskwelahan sa Treatment A ug B ng.a natagaan og pasidungog gilangkuban sa Manila de Bugabus Elementary School; Mabuhay Elementary School; Salvacion Indigenous Elementary School; Mandamo Elementary School; West Tungao Elementary School; Tagpulangi Elementary School; Bitan-agan Elementary School; Dankias Elementary School; Daan Taligaman Elementary School; La Soledad Elementary School; ML Pineda Elementary School; ug Dona Teodora Elementary School. Sa Treatment C Last Mile Elementary School, gilangkuban sa Tud-ol Elementary School; Datu Ecleo Elementary School; Mahayag Elementary School; ug Masago Elementary School asa nakadawat og Plaque of Participation ug 5,000 pesos worth of Air Cooler. Nakuha sa Datu Man-oloy Tribal Elementary School; Tagkiling Tribal Integrated School; Calaitan Elementary School ug San Juan Elementary School ang Plaque of Appreciation ug 15,000 worth of items nga gilangkuban sa Air Cooler, WiFi Router, ug Emergency Light. Nakuha usab sa Calaitan Elementary School ug San Juan Elementary School and Best Healthy Learning Institution Pilot School. Nahimong Best Healthy Learning Institution Champion ang San Juan School Principal nga si Mr. Roldan Alanano. Ang pasidungog sa mga eskwelahan hingpit nga gikalipay ni Butuan City Mayor Ronnie Vicente Laganada hilabi na diri nakita nga ang mga eskwelahan nga apil sa Universal Health Care Healthy Learning Institution's Pilot Last Mile Elementary Schools na nagsunod sa Healthy Learning Institution kon HLI. Diri makita ang mga lakang nga gibuhat sa mga eskwelahan aron mahimong komprehensibo ug luwas ang eskwelahan ngadto na sa mga mangtutungha.