Lain napod nga pinasahing mga putahe ang gitanyag sa mga estudyante sa FSUU Hospitality Tourism Management sa tanang bisita. Giluto nila sa Agriboost Culinary Show sa Robinsons Place Butuan ang Ampalaya calamares, okra fritters, ampalaya pickles, vegetable lasagna, pancit upo, upo lumpia with brown sweet sauce, cucumber petchay lemonade,cucumber juice cucumber jam, sayote upo pickles ug squash maja. Usa-usang natilawan sa mga bisita lakip mga kabataan ang gitanyag nga niluto. Kini nga kalihukan gihingusgan sa lokal nga panggamhanan sa Butuan pinaagi sa City Agriculture Office aron madasig ang tanan ug makaabot sa matag panimalay nga mokaon og gulay ilabina ang mga kabataan. Paagi sab kini aron mapromote ang produktong agrikultura sa mga mag-uuma sa syudad sa Butuan. Mapasalamaton ang nasangpit nga buhatan sa tanang partners nga miuban sa panawagan nga matabangan ang matag usa alang sa maayong panglawas ug mokita ang mga mag-uuma ug vendors nga hugtanun usab nga gisuporthan ni Mayor Ronnie Vicente Lagnada. Gawas sa Agriboost Culinary Show nahatagan sab og higayon ang pipila ka mag-uuma sa pagbaligya sa ilang gulay nga barato lamang ang presyo.