Nisalmot ang mga kooperatiba sa gipahigayon nga duha ka adlaw nga Enterpreneurial Accounting and Financial Management Seminar sa Lime and Zest Function Hall C, Mayo 29-30. Anaa sa 57 ka mga kooperatiba ang nisalmot; 28 sa unang adlaw samtang 29 sa ikaduhang adlaw. Gitudlo sa ila ang basic accounting for non-accountants nga nag pokus sa mga financial statements lakip na ang pag account sa adlaw-adlaw nga transaksyon sa ilang kooperatiba labi na sa ilang cash flow. Ang aktibidad gipangunahan sa Cooperative Development Authority kun CDA katambayayong ang lokal nga panggamhanan sa Butuan pinaagi sa City Cooperative and Development Office kun CCDO nga nag tinguha nga matabangan ang mga kooperatiba sa syudad sa Butuan pag-abot sa paggunit sa ilang kwarta lakip na ang mga records niini.