Gipahigayon sa syudad sa Butuan ang Community Agenda on Transgender Health Care and Holistically Understanding of the Transgender and Gender Diverse People kun CATCH UP CARAGA sa Almont Inland Resort ning syudad, miaging semana. Kini gitambungan sa mga transgender gikan sa Butuan City, Cabadbaran City, ug San Francisco, Agusan Del Sur. Pipila sa mga topics ug workshop nga giandam alang kanila ang SOGIE 101 (Gender and Sexuality); Basics of HIV/AIDS 101; Social Sexual Network Testing Orientation; Transgender Human Rights and Gender-based Violence; ug Transgender Health Care in the Philippines and Brief overview of GAC. Laki sab gipahigayon ang workshop sa Identifying needs and services for TGDP Trans Health and Trans Activities. Natagaan og mahinungdanon nga konsultasyon sa transgender health, rights, ug mga issues ang mga nitambong sa kalihukan. Pinaagi sab niini, madungog ang tingog ug perspective sa nasangpit nga sektor aron makuha ang dugay nang tinguha nga mas inklusibo ug suporta gikan sa komunidad. Atol sa kalihukan nanghatag sab og mga contraceptives lakip ang Pre-Exposure Prophylaxis kun PrEP ug dispensing. Aduna sab free HIV Testing, Syphilis, ug Hepa B aron mahibaloan ang status sa usa ka indibidwal. Nahimong posible ang kalihukan pinaagi sa Pilipinas Shell Foundation, Inc katambayayong ang loveyourself, IDEALS, ug ang Sustained Health Initiative of the Philippines - SHIP. Kauban sab ang lokal nga panggamhanan pinaagi sa City Health Department ug Palliative and Wellness Care Center- Butuan Medical Center sa paghatag sa serbisyo sa susama nini nga hisgutanan.