Mibisita ang mga kadagkuan sa Department of Interior and Local Government kang Mayor Ronnie Vicente Lagnada miaging semana. Gipangunahan kini ni DILG XIII – Caraga Regional Director Maria Loisella Lucino, CESO IV uban nila DILG Assistant Regional Director Donald Seronay, Regional Office’s Division Chiefs and Sections Chiefs ug DILG Butuan City OIC – City Director Annabel F. Yangson. Dinhi nagpadayag si DILG Regional Director Lucino sa iyang sensirong pasalamat kang Mayor RCL sa makanunayong suporta niini sa mga programa sa ahensya aron mapalambo ang serbisyo sa publiko. Gidayeg sab ni RD Lucino ang kadumalahan ni Mayor RCL nga nagtinguha sa kaayuhan sa syudad ug tanang Butuanon. Samtang giila sab ni Mayor RCL ang vital role sa DILG kalabot sa suporta ug guidance niini sa pagpatuman ug pag promote sa good governance ug ingonman sa pagpalambu sa public service. Atol sa meeting gipresentar ni Mayor RCL ang Plan ug Future Development sa Butuan City. Sumala ni Mayor RCL ang naangkong kalambuan sa syudad sinugdanan pa lamang kini sa daghan pang muabot sa mosunod nga mga katuigan. Magpadayon matud pa ang napatumang programa ug proyekto sa syudad tungod makabenipisyo usab niini ang tibook rehiyon sa caraga. Gawas sa natigayong produktibong pulong gitunol sab ni RD Lucino ang 2 million pesos SGLG Incentive Fund cheque kang Mayor RCL.