Maka-alarma ang gasaka nga kaso sa suicide sa nasud hilabina sa mga estudyante. Sa rekord sa Department of Education kon DepEd dunay 2,147 ka mga estudyante ang misulay sa pag suicide tuig 2021 ug sukad miaging tuig nagka anam kini og saka nga nag dala og kabalaka sa tanang ahensya. Hingpit ang mga programa sa Lokal nga Panggamhanan sa pagpanguna ni Mayor Ronnie Vicente Lagnada aron makunhoran ang pagsaka sa suicide rate sa syudad pinaagi sa kanunay nga Mental Health Awareness ug pag awhag og libreng mga counseling sa mga kabataan. Atol sa selebrasyon sa ika-49th Anniversary sa Pag-asa Youth Association of the Philippines kon PYAP, gipailawom ang mga kabataan sa pagbansay kalabot na sa Mental Health Awareness. Mamahimung makig-alayon sa City Health Office o kaha sa Department of Health ugaling makasinati sa problema sa Mental Health o motawag sa Mental Health hotline sa DOH nga 𝟬𝟵𝟰𝟱-𝟯𝟱𝟵-𝟮𝟲𝟯𝟮 o 𝟬𝟵𝟰𝟴-𝟮𝟮𝟰-𝟭𝟴𝟱𝟳.