"Daku siyang tabang kay maka enhance siya og lain nga skills ug pinaagi ani nga training maka produce pa ko og lain nga skills nga magamit nako" Kini ang pahayag ni Ernest John Paul Roma, 25 years old nga nipailawom sa usa ka semana nga General Virtual Assistance Course sa City Library. Gibutyag ni Roma nga usa siya ka Out of School Youth sukad adtong pandemya. Dili na bag-o alang niya ang online nga trabaho tungod naga freelance siya og graphic design. Daku iyang pasalamat sa iyang higala nga maoy nag imbita kaniya nga moapil sa aktibidad. Usa lang si Roma sa 28 ka partisipante nga niapil lakip nga nagmalaumon nga makakitag trabaho online.