Sunod-sunod ang natigayong committee hearings sa pagpanguna sa Sangguniang Panlungsod members sa pagdumala ni Butuan City Vice Mayor Lawrence Fortun. Ning bag-uhay gipahigayon ang 4th SP Committee Hearing sa Komitiba sa Good Government Human Rights, Laws, Rules and Styles sa pagpanguna ni City Councilor Cromwell Nortega. Kini aron matubag ang mga panginahanglan sa mga barangay sa pagpalambo sa paghatag og serbisyo. Lakip usab nahisgutan ang mahitungod sa pagmugna sa Human Rights Action Centers HRACs sa Local Government Units uban sa CHR Caraga, CIty DILG ug PNP PRO13. Gipahigayon sab ni Vice Mayor Fortun ang 7th Committee Hearing sa Komitiba sa Appropriation ug Accounts aron madiskusyunan ang annual budget sa pipila ka barangay nga naglangkob sa Barangay 28-Doongan, Barangay 22-Bading, Barangay 6-Diego Silang ug Barangay Bancasi. Sa nasangpit nga panagtigum gihisgutan ug gipasabot sab sa barangay ang komento ug rekomendasyon ni Mayor Ronnie Vicente Lagnada ang mahitungod sa pagmugna og Sanitation Code sa syudad. Samtang gisiguro sab nga mahatagan sa katin-awan labi na sa legal nga procedures ang pagpatuman sa proyektong pabalay pinaagi sa gipahigayong Joint Committee Hearing sa komitiba sa Good Government, Ethics, Human Rights, Laws, Rules and Styles ug ang Komitiba sa Housing and Human Resettlement. Kini aron matubag ug madiskusyunan ang himuong deed sa transfer ug acceptance tali na sa National Housing Authority NHA ug City Government sa Butuan sa NHA-Butuan City New Village BCNV 3B project. Nagtinabangay ang SP members sa pagmugna og mga balaodnong local alang sa lig-on nga pagpatuman sa mga programa ug proyekto alang sa kaayuhan sa mga Butuanon.