Niabot na sa 3,699 ka pamilya o 11,138 ka indibidwal ang apektado sa baha nga kasamtangang nagpasilong sa 42 ka evacuation center sa syudad. Kini base sa record sa City Social Welfare and Development Department. Gani, sobra sa bainte ka mga barangay ang apektado sa padayon nga pagsaka sa lebel sa tubig sa suba. Padayon sab ang paghatod og welfare goods sa City Social Welfare and Development Department kon CSWDD ngadto na sa mga IDPs. Ang mga IDPs sa barangay nakadawat og 66 pieces nga banig with foam gikan sa Gamma Delphians. Aktibo sab ang mga opisyales sa paghatag og mga hot meals sa mga indibidwal. Kanunay sab ang pagbisita sa mga personahe sa CSWDD, City Health Department, DOH-Caraga, ug uban pang ahensya ug opisyales aron mahatag ang panginahanglanon sa mga IDPs.