Gipangunahan ni Butuan City Vice Mayor Lawrence Fortun ang pag abli sa Adlaw Hong Butuan Exhibit sa City Hall Lobby kaganinang buntag. Sa exhibit makita nga nakadisplay ang koleksyon sa mga hulagway sa kanhi ug kasamtangang Mayor sa Butuan City. Makita sab dinhi ang nagkadaiyang public activities nga naghulagway sa paghatag og importansya sa kultura ug heritage, iconic landmark nga hangtud karon padayong gipasigarbo sa mga Butuanon, Butuanon Archives asa makita ang hulagway sa lain laing aktibidad sa kanhing lider sa syudad ug lakip sab makita ang mga hulagway sa nakabisitang mga kanhing Presidente sa nasud sa dakbayan sa Butuan. Kini nga exhibit kabahin sa nakalinyang aktibidades sa selebrasyon sa ika 74TH Adlaw Hong Butuan sa pagpanguna sa City Executive Management Department-Public Information Division nga suportado ni Mayor Ronnie Vicente Lagnada. Ang pag abli sa exhibit gipangunahan mismo ni Vice Mayor Fortun uban nila City Councilor Rey Desiata ug Councilor Eduardo Gonzalez ug mga Department Heads.