Walay hunong nga nagpahigayon og Joint Inspection ngadto na sa mga high risk nga patigayon sa syudad ang lokal nga panggamhanan sa syudad pinaagi sa mga departamento sa LGU-Butuan. Buot matan-aw sa lokal nga panggamhanan ang istado sa mga high risk nga establisamento sa syudad. Mag silbi ang joint inspection nga aktibidad aron masiguro ang luwas nga establisamento para sa tanan. Gitan-aw atol sa joint inspection ang potensyal nga hazard nga makita sa establisamento nga posibleng maka apekto sa kaluwasan ngadto na sa mga personahe ug kliyente niini. Labaw sa tanan ang masuta ang kinatibuk-ang operasyon sa mga high-risk establishments nga adunay epekto sa health, sanitation, ug public safety. Ang Joint Inspection gilangkuban sa City Business Permits and Licensing Department kon CBPLD uban ang City Health Department kon CHD, City Environment and Natural Resources Department kon CENRD, City Building Management Department kon CBMD, City Employment Services Department kon CESD, ug Bureau of Fire Protection kon BFP. Alang sa mga pangutana kabahin sa Joint Inspection, mamahimong motawag sa 09513884193 o mobisita sa buhatan sa CBPLD nga nahimotang sa 1st Floor, City Hall Building, J.Rosales Avenue, Barangay Doongan ning syudad sa Butuan.