Gisugdan na sa lokal nga panggamhanan ang inspeksyon sa tanang high-risk establishments sa syudad, miaging semana. Ang mga high-risk establishments ang mga kumpanya nga dunay presensya sa hazard o potential hazard sa trabahoan nga posibleng maka apekto sa safety ug health status sa mga trabahante o kliyente niini. Kini aron nga masuta ang kinatibuk-ang operasyon sa mga high-risk establishments nga adunay epekto sa health, sanitation, ug public safety. Gipangunahan sa Business Permits and Licensing Department kon CBPLD katambayayong ang nagkadaiyang departamento sa LGU-Butuan ang natigayong inspeksyon. Gilangkuban ang Joint Inspection sa City Environment and Natural Resources Department kon CENRD, City Health Department o CHD, City Employment Services Department kon CESD, City Building Management Department kon CBMD ug City Agriculture and Veterinary Department kon CAVD. Pinaagi sa kalihukan masiguro nga luwas ang mga establisamento sa syudad. Buot ni Mayor Ronnie Vicente Lagnada nga tagaan og dakung importansya ang kaluwasan para sa mga empleyado ug mga kliyente niini.