Aprobado sa mga miyembro sa Butuan City Development Council ang mga gilatag nga Annual Investment Program sa tuig 2025 sa natigayong Butuan City Development Council 1st semester 2024 Full Council Meeting sa VCDU Prince Hotel Imadejas Butuan City, miaging semana. Gipangunahan ni Mayor Ronnie Vicente Lagnada ug committee members ang kalihukan uban sa suporta ni Congressman Jose Aquino II, Vice Mayor Law Fortun, mga miyembro sa Sangguniang Panlungsod, 86 Punong Barangays, Civil Society Organizations ug Department Heads sa lokal nga panggamhanan sa Butuan. Alayon sa aktibidad usa-usa nga gipakita ang mga proposed Annual Investment Program sa tuig 2025 subay sa lima ka development sector nga gilangkuban sa Economic, Environment, Social, Infrastructure ug Institutional Development Sektor nga nakasentro sa lain-laing istratehiya ug prayoridad ni Mayor Lagnada. Gi-uyunan sab sa council ang giduso sa Caraga RDC Resolution no. 9-B series of 2024 nga nagrequest sa Department of Tourism Caraga ug Public Transportation Agencies/Offices nga magtugot sa probinsya, local government units sa rehiyon nga mag exhibit og Tourism Promotional Videos sa airport ug seaport passengers’ terminals, roll-on/roll-off RORO ships, passenger vessels/boats, bus terminals, buses ug tourism related establishments. Apil usab ang hugtanung pagpatuman sa plastic regulation ordinance sa meals ug venue supplier kini pinaagi sa City Procurement Management Department. Nagpasalamat si Mayor Lagnada sa tanan sa pagsanong sa kalihukan ug nagkahiusa sa pagmugna og long term plan alang sa lig-on ug mas progresibong dakbayan sa Butuan. Kini nga aktibidad gipangunahan sa City Planning and Development Department isip secretariat sa BCDC.