Gipangunahan ni City Councilor Cherry May Busa ang Consultative Meeting kabahin sa Electronic Signature ug Cybersecurity Ordinances aron personal nga madungog ang mga suhestyon ug rekomendasyon gikan sa partner agencies. Kini sa tinguha nga mapa-usbaw na ang pagpatuman sa digital transformation sa dakbayan sa Butuan. Gitutukan kini ni Konsehal Busa nga ma-adopt na sa syudad sa Butuan ang teknolohiya ug digitalization aron dali na ang paghatod sa serbisyo sa komunidad ug mapalambo na ang mga lakang nga may kalambigitan sa seguridad sa tanan. Ang ordinansa sa electronic signature nagtinguha nga hapsay na ang tanang transaksyon sa gobyerno ug mukonhod na ang oras sa proseso sa mga nagkadaiyang dokumento. Samtang sa Cybersecurity, girekomenda nga magmugna og konseho asa maoy tahasan sa mga kalihukan sa pag-ila sa hulga, risgo ug manalipod sa mga sensitibong impormasyon gikan sa internet o digital attacks. Buot usab ni Konsehal Busa nga sa unsa mang maabot ug mapatuman nga mga bag-ong tekonolohiya sa lokal nga panggamhanan sa Butuan dali kining maaccess sa tanan ilabina sa mga marginalized nga sektor.