Gihingusgan ni City Councilor Cherry May Busa nga madiskusyunan ang mga gidusong ordinansa nga naglangkub sa ordinansa nga pagdasig sa paggamit sa Electronic o Digital Signature sa Electronic documents sa government ug non-government transactions sulod sa syudad sa Butuan. Lakip sab ang ordinansa sa pag adopt sa Republic Act no. 10173 o data privacy act sa 2012 sa city government sa Butuan ug pagmugna sa guidelines. Anaa sab ang ordinansa nga pagmugna sa Butuan City Cyber Security Council atol sa natigayong committee hearing aron madungog ang mga rekomendasyon ug suhestyon sa pagmugna og guidelines gikan sa ubang personahe sa lokal nga panggamhanan sa Butuan ug partner agencies. Tinguha ni Konsehal Busa nga mas mapadali na ang proseso sa tanang transaksyon sa city government sa Butuan ug mas mapasayon na sa mga kliyente ang proseso ug sistema, maproteksyonan ang mga personal, government ug private sector nga mga impormasyon ug mapalambo ang cybersecurity standards ug mga best practices. Suportado kini sa mga kaubanang konsehal sa syudad nga sila Konsehal Cromwell Nortega, Arturo Gado, Victor Plaza ug Cynth Zephanee Nietes. Anaa usab ang presensya sa mga personahe sa DICT, PNP ug ubang partner nga ahensya ug mga personahe sa city government sa Butuan.