Gipangunahan ni Liga ng mga Barangay President Gemma Tabada ang pagdungog sa komitiba sa Barangay Affairs aron madiskusyunan ang mga giduso nga mga ordinansa. Kini naglangkob sa ordinansa sa pagpatuman sa uniform barangay clearance fee alang sa mga aplikasyon sa business permit nga subject sa remittance sa nagkadaiyang barangay sa syudad sa Butuan ug ang giduso nga ordinansa kabahin sa pagmugna og Barangay Population Migration Information Center BPMIC sa kabarangayan sa syudad. Anaa ang presensya sa mga Department Head ug Assistant sa mga concern offices, mga punong barangay ug partner agencies aron madunggan ang mga rekomendasyon ug suhestyon niini kabahin sa pagpahapsay sa paghimo sa mga guidelines niini. Suportado sab kini nila City Councilor Vincent Rizal Rosario ug Cromwell Nortega ug mipadayag sa tagsa-tagsang rekomendasyon aron mapadali ang pagpasar sa maong mga ordinansa.