Gitipok sa City Administrative Management Office ang matag frontline customer service personnel o ang mga personahe nga na assign sa Public Assistance Complaints Desk kon PACD sa mga division niini alang na sa usa ka oryentasyon kalabot na sa Gender and Development (GAD) Program, adlawng Huwebes sa Grand Palace Hotel, ning syudad. Gipasabot kanila unsa ka mahinungdanon ang Gender Sensitive Frontline Customer Services hilabi na nga sila ang nag unang personahe nga moatubang sa mga kliyente. Kinahanglan masabtan nila ang fundamental value nga mag reflect sa development choices sa matag kliyente nga ilang atubangon. Gihatag usab kanila ang mga angay nga timan-an nga kinaiya dili lang sa pag serbisyo sa mga kliyente apan lakip na usab ang pakipag himamat sa mga kaubanan sa trabaho. Mandato ni Butuan City Mayor Ronnie Vicente Lagnada nga mapasabot sa tanan ang ka mahinungdanon nga mahimong gender sensitive ang mga personahe sa LGU-Butuan aron masabtan ug mahatagn og konsiderasyon ang socio-cultural norms ug diskriminasyon aron maila ang matag katungod sa tanan sa usa ka komunidad.