Malampuson ang napahigayong Creation of New Butuanon Pasalubong Workshop nga nahitabo sa Pavilion, Bood Promontory and Eco Park, Barangay Pinamanculan ning syudad. Kini gisalmutan sa mga estudyante sa kolehiyo gikan sa FSUU, CSU, SJIT, PECIT ug BCCI. Gipasiugdahan kini sa City Tourism and Cultural Affairs Department sa lokal nga panggamhanan sa Butuan uban sa suporta sa Department of Trade and Industry. Sa workshop, gitudluan ang mga estudyante sa pagluto sa Butuanon delicacies sama sa palagsing ug kusilba apil na ang paghatag og ideya kalabot sa packaging ug branding alang sa pagpataas sa promotion ug marketing. Kini nga kalihokan usa sa lakang sa pagdevelop og bag-ong pamaagi aron maila sa ubang dapit ang mga produkto sa Butuan labi na ang gama nga delicacies nga mapasigarbo sa ubang dapit. Lauman nga daghan pang produkto sa Butuan ang idevelop human sa ipahigayong kompetisyon sunod bulan.