Pormal nga gitunol ni Konsehal Joseph Omar Andaya ang medalya lakip na ang insentibo sa mga estudyante nga nisalmot sa 2024 National Schools Press Conference ug sa 2024 National Festival of Talents Winners atol sa Flag Raising Ceremony kagainang buntag sa Cityhall Grounds ning syudad. Nadawat ni Mhatt Daniel Gilbero ang medalya ug 15,000 pesos cash incentives human siya nahimong Gold Medalist sa TV Broadcasting-Filipino Pinakamahusay nga tagapag-ulat, si Czarica Viv Rosario nakadawat og medal ug 5,000 pesos human nakuha ang Bronze Medalist sa Best Radio Broadcasting Elementary-English, si Louie Jee Caldeo nakuha ang medal ug 5,000 pesos human nasakmit ang Bronze Medal sa Best TV Broadcasting English-Best in Development Communication 2 ug Nicole Tamayo nakadawat og medal ug 5,000 pesos human nakuha ang Bronze Medal sa Braille Reading Competition. Ang paghatag sa medalya ug insentibo subay sa SP Ordinance No 5380-2017 o An Ordinance Granting Medals of Excellence and Cash Incentives to Pupils and Students of Elementary, Secondary, and Tertiary School in Butuan City, Who Won Titles or Awards in National or International Academic Competitions, and for other purposes. Ang gihatag nga medalya ug insentibo gikan sa LGU Butuan usa ka paagi aron ma-awhag pa ang mga estudyanteng Butuanon sa pag-apil og managlahing kompetisyon aron mabansay ang ilang mga talento ug kahanas. Gawas kang Konsehal Andaya anaa sab sila City Administrator Atty Joseph Ian Sabado, City Legal Head Atty Cisco Franz Maclang ug City Education and Development Department Head Rosalito Libres nga mitunol sa mga medalya ug insentibo.