Usa lang si Leah Bebis Angob sa mga naka benepisyo sa gipahigayon nga Konsulta Caravan sa PhilHealth sa Cityhall Lobby, miaging semana. Alang niya, daku na kini nga tabang hilabi na nga wala siyay budget sa pagpa check-up. Gihatagan gyud kini niya og oras para makabenepisyo sa libre nga konsultasyon ug tambal nga dala sa PhilHealth. Samtang si Meggie Denise Villanueva mapasalamaton sab human gidala sa PhilHealth ang Caravan sa City hall. Nahimo kining accessible sa mga empleyado ug kliyente sa City hall bisan paman usa lang kini ka adlaw. Ang Konsulta Caravan sa PhilHealth, usa ka programa nga mag hatag og libre nga laboratory, konsultasyon sa doktor ug mga piling tambal. Ang PhilHealth Konsulta Caravan all year round nga aktibidad sa PhilHealth para mahingusgan ang health care system ug ma access sa katawhan ang libre nga laboratory, tambal ug konsulta sa doctor aron malikayan ang grabe nga mga sakit.