Nagtinabangay ang City Human Resource Management Office ug Office of the City Accountant aron mapasabot ug mapa-ilawom sa oryentasyon sa Bureau of Internal Revenue kun BIR ang mga empleyado sa lokal nga panggamhanan sa Butuan kabahin sa filing sa 2022 annual income tax return ug 2023 annual registration. Kini hilabina sa mga Job Order ug Contract of Service uban sa mga administrative officers ug administrative assistant nga nakadestino sa mga nagkadaiyang buhatan sa city government. Importante ang oryentasyon sa mga empleyado tungod sa mga kabag-uhan sa sistema ng gipatuman sa BIR ug aron masabtan ang mga obligasyon sa ingon dili mabug-atan ang mga empleyado pag abot sa panahon. Subay niini abli ang buhatan sa BIR alang sa mga pangutana o mamahimong mubisita sa website sa ahensya bir.gov.ph ug alang sa mga online filings mamahimong magdownload sa eBIR forms.