Gikalipay sa mga empleyadong regular ug casual sa lokal nga panggamhanan sa Butuan ang anunsyo kaganinang buntag atol sa natigayong flag raising ceremony nga pagpatuman sa salary increase sa kasamtangang tuig hangtud tuig 2027. Kini human gipirmahan ni President Ferdinand Marcos Jr. ang mandato nga pagpatuman sa pagtaas sa sweldo sa mga empleyado sa gobyerno pinaagi sa Executive no. 64. Ang pagtaas sa sweldo sa mga civilian government personnel matagamtaman sa mga Executive, Legislative ug Judicial Branches, Constitutional Commission ug Constitutional Offices. Lakip sab niini ang Government Owned o Controlled Corporation o GOCC nga dili sakop sa RA 10149 o ang Governance Act of 2011 ug EO no. 150 ug ingonman ang mga empleyado sa Local Government Units. Ang updated salary schedule ipatuman sa upat ka paagi nga magsugod sa tuig 2024 hangtud tuig 2027. Subay niini excited ang mga empleyado human gianunsyo sa City Budget Department sa lokal nga panggamhanan sa Butuan nga madawat sa mga empleyado ang differential human maaprobahan ang SP Ordinance para sa dugang pondo para sa increase. Official Gazette: https://www.officialgazette.gov.ph/.../executive-order.../