Gipaagi sa Orientation on the Enhanced SPMS Manual 2021 Edition sa 3rd Quarter ang mga empleyado sa lokal nga panggamhanan sa Butuan nga gipangunahan sa City Human Resource Management Office kun CHRMO aron masabtan niini ang proseso sa SPMS. Gisalmutan kini sa mga newly hired, newly appointed, newly promoted, administrative officers designate ug division chief sa LGU Butuan nga nagtinguha nga mas mapalawman ang paghatag og importansya sa Strategic Performance Management System kun SPMS sa pagpanarbaho sa gobyerno. Isip usa sa mandato sa usa ka empleyado sa city government sa Butuan ang insaktong performance, gipakusgan karon sa CHRMO ang pagpasabot kabahin sa SPMS sa tinguhang mahatag ang insaktong serbisyo sa katawhan sa syudad. Sumala ni Atty. Cizco Franz Maclang, City Legal Officer ug Performance Management Team member, ang SPMS usa sa agreement sa mga empleyado ug department head ingon man agreement sa department head ug ni Mayor Ronnie Vicente Lagnada aron makuha ug makab-ot ang gitinguhang target nga performance sa usa ka empleyado ug sa city government sa Butuan sa ingon mahatag ang best services sa katawhang Butuanon. Daghan sa mga partisipante sa oryentasyon ang unang higayon nga nakasalmot sa aktibidad ug nagtuo kining matabangan ug magiyahang mapalambo pa ang ilang performance ug mareplicate kini diha sa pagpanarbaho. Ang performance usab ang basehan aron madawat sa mga empleyado ang mid-year bonus, year-end bounus ug uban pang recognition ug incentives awards.