Gipasidunggan ug giila sa City Government sa Butuan pinaagi sa City Human Resource Management Office kun CHRMO ang mga empleyado nga niabot na sa 10 years hangtud 45 years ang serbisyo sa LGU-Butuan kagahapon sa Almont Inland Resort. Suportado ni Mayor Ronnie Vicente Lagnada ang kalihukan pinaagi sa Conferment of Awards. Ang 100 ka loyalty awardee nga nakaserbisyo og 10 years ug 15 years nakadawat og bronze plated pins, ang 20 years ug 25 years nakadawat og silver plated pins, 30 years nakadawat og gold ring, 35 years nakadawat og gold plated pins, ang 40 years ug 45 years nakadawat og gold plated pins. Ang tanan nakadawat usab og cash award ug certificate of appreciation apil ang 46 ka retirees isip service award kanila sa city government sa Butuan. Usa sa mga retirees nga nahatagan sa pasidungog si Joel Rosales, Agriculture Technician sa City Agriculture Office nga 35 ka tuig sa serbisyo sa LGU Butuan. Mipadayag nga ang pagbaton niini sa healthy lifestyle pinaagi sa pagkaon og gulay ug prutas ug maayong relasyon sa kauban sa opisina usa sa nakapadasig niiini nga nagdugay sa trabaho. Sumala usab sa usa ka loyalty awardee nga si Modesto Balenton Jr. Construction and Maintenance sa City Engineers Office ug 25 ka tuig na sa serbisyo sa LGU Butuan nga ang nagdala kaniya sa 25 ka tuig sa serbisyo mao ang pagserbisyo sa katawhan asa dunay taas nga pasensya, lig-on ang determinasyon ug tininuod nga serbisyo. Mapasalamaton usab ang 15 years service awardee nga Atty. Edwin John Pizarro kang Mayor Ronnie Vicente Lagnada sa pag-ila sa paningkamot ug pag-ila sa serbisyo sa mga empeleyado pinaagi sa pagpahigayon og conferment of awards sa pagpanguna sa CHRMO. “Enjoy the money that we have and enjoy the moment,” pahayag ni Atty Edwin John Pizarro. Isip retiree ug service awardee nagpasalamat sab si Doc Josephine Chua nga nahimung parte sa iyang journey isip doctor ang LGU Butuan. Gitimbaya sab niini ang iyang mga kaubang retirees ug gidasig nga mag enjoy sa retirement. Ang Conferment of Awards usa sa tinuig nga kalihukan sa City Government sa Butuan pinaagi sa CHRMO isip pag rekognisa ug pagpasalamat sa gihatag nga dedikasyon ug commitment sa mga empleyado diha sa pagserbisyo sa katawhan.