Gipailawom sa usa ka adlaw nga Gender and Development kun GAD Training ang pipila ka empleyado sa lokal nga panggamhanan sa Butuan nga gipahigayon sa Grand Palace and Convetion kagahapong adlawa. Gihatagan og oras ang mga partisipante sa pag tubag sa pangutana kalabot sa GAD, lakip nga gi grupo para sa usa ka group discussion sa pag identify sa mga GAD related activities nga makita sa pang adlaw-adlaw. Mipaabot og mensahe si Konsehal Cherry May Busa isip Committee Chairperson sa Committee on Family, Women, and Children's Welfare ngadto sa mga partisipante isip mga public servant. "How are we going to effectively implement? How are we going to effectively influence the lives of people? Considering the we are in the Local Government Unit and we have the power to implement programs. I hope we are also able nga mabutang sa atong kasing-kasing kung unsa ning Gender and Development,” sumala pa ni Konsehal Cherry May Busa. Gitumong sab sa pagbansay nga mapasabot ang mga partisipante kung unsa ning GAD aron mas mahatagan sila og impormasyon nga ang GAD wala lang nag sentro sa kababaihan kundi labot niini ang mga kalalakihan, LGBTQ+ Community, PWD, ug uban pa. Gani, ang GAD, usa ka inklusibong programa para sa patas nga katungod sa mga managlahing organisasyon sa komunidad. Isip usa ka empleyado sa LGU-Butuan dakung tabang kini para mas ma-abli ang panghuna-huna sa mga empleyado ug makabalo sila paunsa istoryahon ang mga kliyente taliwala sa social status, background ug uban pa. Gipangunahan sa City Human Resource Management Department ang nasangpit nga pagbansay.