Subling gipahinumduman sa lokal nga panggamhanan sa Butuan pinaagi sa Land Transportation Traffic Management Office kun LTTMO ang mga driver sa tanang klase sa behikulo kabahin sa road courtesy sa pagmaneho sa national highway. Kini tungod sa nagkataas nga kaso sa mga aksidente sa nagkadaiyang kadalanan sa syudad asa sagad sa nahimong biktima ang mga driver sa single motor. Sa Fast Lane, 4 wheel pataas nga behikulo lamang ang dapat muagi sama sa mga pribadong behikulo, bus ug trucks. Samtang sa Slow Lane dinhi lang dapat muagi ang mga motorcycle, tricycle ug pedicab. Nanghinaut ang lokal nga panggamhanan sa Butuan nga mahimong mahinahon ug magsinabtanay diha sa kadalanan ug obserbaran ang mga traffic rules aron malikayan ang aksidente.